(દોહરો)
*આદ્યશક્તિની આણ છે, ને હૈયે હરખ અપાર,*
*નાયક કુળનું ગૌરવ ગાઈએ ,જેનો ભવ્ય છે ઇતિહાસ.*
(ભવાઈની દેશી/ઢાળ)
હો... રંગમંચના પાત્રે-પાત્રે, લાયક અમે નાયક છીએ,
મધુર લલકારે ગુંજતા, ગૌરવવંતા ગાયક છીએ...
હો... પાટીદારની પત રાખવા, વટલાયા'તા ઇતિહાસમાં,
એ જ ભવ્ય વિરાસતના, અમે સાચા વાહક છીએ...
હો... આદિ અનાદિ કાળથી, ઉપાસક આદ્યશક્તિના,
મા બહુચર-અંબાના ચરણે, અમે પરમ સાધક છીએ...
હો... ચૂડી-ચાંદલે વેશ ધરીને, ભૂંગળના નાદ ગુંજાવતા,
દુનિયાને દર્પણ ધરી, અમે સત્યના વ્યાપક છીએ...
હો... ભક્તિ-જ્ઞાનને પચાવી જાણ્યા, અંતરમાં ઉતાર્યા છે,
સંસ્કૃતિના રક્ષક અમે, ને સાચા પ્રચારક છીએ...
હો... ભાવ ભોજકનો હૈયે ધરી, વિદ્વતા વ્યાસની મુખે,
હર ચરિત્રને જીવંત કરતા, પ્રભાવક અમે નાયક છીએ...
*-દિનેશ નાયક 'અક્ષર'*
*સરડોઈ*
ટિપ્પણીઓ નથી:
ટિપ્પણી પોસ્ટ કરો